Kronaka f’Malta

Akkuza lill-politici Maltin li huma razzisti

Ahmet Bugre ta’ 42 sena mill-Ghana, impjegat fultajm ma’ Suret il-Bniedem biex imexxi c-Centru Miftuh tal-Marsa, f’intervista li ta lil ‘Neus Deutschland’ ikkritika lill-Awtoritajiet Maltin, fosthom lill-Gvern, l-Armata, il-Pulizija u anke xi ftit lill-Knisja. Din l-intervista qajmet rabja kbira tant li l-Gvern Malti irrisponda ghall-allegazzjonijiet li ghamel Bugre. Fost il-kritika iebsa li ghamel Bugre, huwa akkuza lill-politici Maltin li huma razzisti.

L-intervista giet ippubblikata nhar it-Tlieta, 16 ta’ Settembru taht it-titlu “Indhil mill-Militar u l-Pulizija hija okkorenza ta’ kuljum – Il-kundizzjonijiet tac-Centri tad-Detenzjoni tar-Refugjati f’Malta huma tal-biza’”.

Bugre, li gie Malta 18-il sena ilu biex jistudja l-ligi u li mistenni jiggradwa din is-sena, qal li jahdem bhala “sacerdot” u konsulent ghar-refugjati f’isem il-Ministeru tal-Affarijiet Barranin. Ahmet Bugre huwa mizzewweg Maltija u ghandhom tlett itfal.

Mistoqsi minn ‘Neus Deutschland’ dwar is-sitwazzjoni tar-refugjati f’Malta anke fid-dawl tat-tragedji li sehhew dan l-ahhar, Bugre qal li “issa saret xi haga ta’ kuljum f’Malta, fejn sa ghaxar kadavri jittelghu mill-bahar jew fil-bajjiet ta’ Malta kuljum.”

Huwa gie mistoqsi kif inhi l-hajja fic-centri tar-refugjati f’Malta. Bugre qal li dawn proprjament huma centri ta’ detenzjoni fejn f’kamra wahda jitpoggew aktar minn 30 persuna. Huwa qal li ma hemm ebda eccezzjoni fejn irgiel, nisa u tfal jitpoggew flimkien f’kamra wahda.

“Kultant dawn ikunu minn 18-il pajjiz differenti,” sahaq Ahmet Bugre.

Huwa kompla jghid li l-vjolenza mhix eccezzjoni. L-abbuz tal-alkohol u l-konsum tad-droga qeghdin jizdiedu minhabba l-istennija fit-tul u li jithallew f’incertezza, minghajr postijiet ta’ divertiment, bla tahrig edukattiv u bla permessi tax-xoghol. Dawn iwasslu ghal attentati ta’ suwicidju.

“Meta jkunu trasferiti f’centru miftuh, taht il-kampijiet, isibu l-kundizzjonijiet fejn joqoghdu, sahha, igjene u privatezza huma mizerabbli. Dawn il-postijiet huma disinnjati biex jakkomodaw mijiet imma fil-fatt bhalissa hemm eluf,” qal Bugre.

Dwar id-drittijiet umani tal-klandestini f’Malta, Bugre qal li f’Malta qatt ma kien hawn politika ufficjali dwar l-immigrazzjoni u ghaldaqstant ma jsir ebda sforz ghall-integrazzjoni.

“Il-Gvern u l-Oppozizzjoni jaqblu fil-wisa’ li jaghmlu l-hajja tar-refugjati f’Malta mill-aktar mhux attraenti kemm jista’ jkun,” qal il-Ghaniz lill-Germanizi.

Mistoqsi dwar ir-rwol tal-pulizija u s-suldati, Ahmet Bugre qal li dawn jipprovaw juru l-aktar lat b’sahhtu taghhom fil-konfront tal-klandestini. “L-ghan taghhom huwa li jzommu lir-refugjati ’l boghod kemm jista’ jkun mill-gzira. L-indhil u l-attakki fic-centri ta’ detenzjoni, kif ukoll f’postijiet pubblici huma xi haga ta’ kuljum. Ricentament ragel Sudaniz kien brutalment imsawwat f’bar. Dan mhux kaz izolat. Sal-lum, ma nafx li xi hadd gie kkastigat dwar dan,” qal Bugre.

‘Neus Deutschland’ staqsa lil Ahmet Bugre jekk f’Malta hawnx razzizmu. “Iva u l-politici Maltin huma fuq ta’ quddiem.” Ahmet kompla jghid li mhux ta’ b’xejn li l-kampijiet (centri) jinsabu barra mill-irhula. Huwa qal li r-refugjati f’Malta huma totalment izolati. Ma jridux lill-Afrikani jigu f’kuntatt mal-Maltin. Barra minn hekk hawn pregudizzju dwar epidemiji u mard biex jinghata ragun ghall-izolament.

Ahmet Bugre kkritika wkoll lill-midja Maltija, fejn qal li jinkitbu biss rapporti dwar l-Afrikani minkejja li f’Malta qeghdin jigu nies mill-pajjizi tal-Ewropa tal-Lvant, fosthom mill-Ukrajna.

“Irridu nkunu onesti bizzejjed u nammettu li n-negozjanti lokali qeghdin jaghmlu profitti minn fuq l-immigranti bhalma huwa xoghol tal-gurnata fil-lukandi, kostruzzjoni u jikinsu t-toroq. Imma dan kollu jinzamm fis-silenzju,” sahaq Bugre.

U x’ghandu jsir, gie mistoqsi Bugre. Huwa qal li internatment xejn mhu se jsir. Il-pressjoni trid tigi mill-NGOs minn stati tal-UE. Huwa qal li hemm bzonn li osservaturi indipendenti jaghmlu spezzjonijiet regolari inkella xejn mhu se jinbidel, kif ilu jsir fis-snin ta’ qabel.

Fl-ahharnett ‘Neus Deutschland’ staqsa lil Ahmet Bugre x’inhi taghmel il-Knisja ta’ Malta.

“Il-kelma tal-Knisja hija ta’ importanza, imma l-kbarat ma jihdux pjacir jindahlu fl-affarijiet tal-politika. Ma jridux li jhassru r-relazzjoni mal-Gvern,” qal Ahmet Bugre.

Il-Gvern Malti, permezz tal-Ministeru ghall-Gustizzja u l-Intern kien pront u rrisponda ghal din l-intervista. L-ewwelnett gie ccarat li Bugre mhux impjegat mal-Ministeru tal-Affarijiet Barranin izda ma’ Organizzazzjoni Mhux Governattiva u ghalhekk mhux minnu li huwa konsulent f’isem il-Gvern Malti. Intqal ukoll li mhux veru li kuljum jinstabu ghaxar kadavri fil-bajjiet taghna u dawn il-figuri huma esagerati.

Dwar il-FAM, dawn qeghdin jaghmlu minn kollox biex isalvaw il-hajja ta’ nies minn fuq il-bahar u dejjem irrispondew ghal kull sejha li tasal.

Il-Ministeru cahad ukoll dak li qal Bugre dwar ic-Centri ta’ Detenzjoni. Dwar familji bit-tfal, nisa tqal u tfal minghajr familja, dawn ma jitpoggewx fid-detenzjoni imma jigu trasferiti f’residenzi. Il-Ministeru qal li filwaqt li c-centri fejn jinzammu l-immigranti huma bazici, fl-istess hin huma adekwati. Gie michud ukoll li hemm abbuz mix-xorb alkoholiku u d-droga bhal ma gie michud ukoll li l-awtoritajiet Maltin jipprovaw jaghmlu pajjizna mhux attraenti ghar-refugjati.

L-akkuza ta’ Bugre dwar razzizmu min-naha tal-Pulizija u l-Armata huma ghal kollox infondati anzi dawk l-immigranti li jikkonsidraw li ntuzat xi vjolenza fuqhom, huma fil-libertà kollha li jirrapportaw.

Il-Pulizija kollha kif ukoll is-suldati huma obbligati li ma juzawx forza mhux gustifikata u jekk jirrizulta li ntuzat forza eccessiva, jittiehdu passi kontra taghhom. Fl-ahharnett il-Ministeru cahad li l-Maltin huma razzisti.

Sadanittant mhux maghruf jekk il-Knisja hix se tirrispondi ghall-kritika li saret dwarha jew jekk il-Kappuccini humiex se jiehdu xi passi fil-konfront ta’ Ahmet Bugre peress li Suret il-Bniedem, li maghha jahdem Bugre, hija mmexxija minnhom.

35 klandestin iehor neqsin

Ghal darb’ ohra l-ibhra Maltin regghu raw tragedja tal-klandestini b’madwar 35 persuna jispiccaw mgharrqin. Izda din l-ahbar baqghet ma hargitx ufficjal b’sorsi qrib il-Forzi Armati ta’ Malta jsostnu li mhux bil-fors dawn gherqu kollha.

Il-kaz kellu l-bidu tieghu nhar il-Gimgha meta l-helikopter Germaniz Puma informa lic-Centru tal-Operazzjonijiet tal-FAM f’Hal Luqa li madwar 40 mil nawtiku fix-Xlokk ta’ Malta kien hemm dghajsa bil-klandestini u li fuqha kien hemm madwar 35 persuna.

Aktar tard ittajjar l-ajruplan Islander tat-Taqsima tal-Ajru tal-FAM u ghal habta tal-5.00 p.m. salpat mill-Bazi Marittimu f’Xatt it-Tiben il-Patrol Boat P-51. Izda minkejja t-tfittxija intensiva ma nstabet ebda dghajsa bil-klandestini.

L-ghada filghodu, is-Sibt, saret tfittxija ohra mill-ajru li wkoll irrizultat fin-negattiv. Peress li ma kien hemm ebda tracca ta’ din id-dghajsa, il-Hadd u t-Tnejn ma saret ebda tfittxija.

Kien it-Tlieta filghodu li l-frejgata Franciza ‘Arago’ irrapportat li kien hemm sitt kadavri f’wicc il-bahar madwar 30 mil nawtiku minn Malta u ghalhekk fl-istess inhawi fejn intlemhet id-dghajsa bil-klandestni. Aktar tard ajruplan mil-Lussemburgu li kien qieghed jiehu sehem fl-operazzjoni tal-Frontex b’ekwipagg civili, irrapporta tliet kadavri ohrajn. It-Tlieta stess ghal habta tan-12.30 p.m. rega’ ttajjar l-Islander fejn fil-post indikat intlemhu madwar ghaxar kadavri kif ukoll diversi life jackets u oggetti ohrajn f’wicc il-bahar.

It-tfittxija mill-Islander saret fuq mhedda mdaqqsa u sfortunatament ma nstab hadd haj la fil-bahar u lanqas fuq xi dghajsa jew iggranfati ma’ parti mid-dghajsa li kienu fuqha.

Aktar tard marret fuq il-post indikat il-Patrol Boat P-52 tal-Forzi Armati biex tkompli bit-tfittxijiet izda jidher li ma nstab xejn, lanqas il-kadavri li ntlemhu qabel. Sorsi qrib il-FAM qaluli li mhux bilfors li l-kaavri li ntlemhu kienu fuq id-dghajsa b’35 klandestin u li dawn setghu kienu grupp iehor.

Izda peress li l-Erbgha filghodu, wara li l-gurnal l-orizzont irrapporta b’mod esklussiv din l-ahbar, l-istampa internazzjonali wriet interess, specjalment minn Sqallija. Ghaldaqstant kollox jindika li d-dghajsa bil-35 klandestin fuqha baqghet ma dahlet imkien.

Mal-35 kadavru iehor fl-ibhra Maltin

Ghal darb’ ohra l-ibhra Maltin regghu raw tragedja tal-klandestini b’madwar 35 persuna jispiccaw mgharrqin. Izda din l-ahbar baqghet ma hargitx ufficjal b’sorsi qrib il-Forzi Armati ta’ Malta jsostnu li mhux bil-fors dawn gherqu kollha.

Il-kaz kellu l-bidu tieghu nhar il-Gimgha meta l-helikopter Germaniz Puma informa lic-Centru tal-Operazzjonijiet tal-FAM f’Hal Luqa li madwar 40 mil nawtiku fix-Xlokk ta’ Malta kien hemm dghajsa bil-klandestini u li fuqha kien hemm madwar 35 persuna.

Aktar tard ittajjar l-ajruplan Islander tat-Taqsima tal-Ajru tal-FAM u ghal habta tal-5.00 p.m. salpat mill-Bazi Marittimu f’Xatt it-Tiben il-Patrol Boat P-51. Izda minkejja t-tfittxija intensiva ma nstabet ebda dghajsa bil-klandestini.

L-ghada filghodu, is-Sibt, saret tfittxija ohra mill-ajru li wkoll irrizultat fin-negattiv. Peress li ma kien hemm ebda tracca ta’ din id-dghajsa, il-Hadd u t-Tnejn ma saret ebda tfittxija.

Kien it-Tlieta filghodu li l-frejgata Franciza ‘Arago’ irrapportat li kien hemm sitt kadavri f’wicc il-bahar madwar 30 mil nawtiku minn Malta u ghalhekk fl-istess inhawi fejn intlemhet id-dghajsa bil-klandestni. Aktar tard ajruplan mil-Lussemburgu li kien qieghed jiehu sehem fl-operazzjoni tal-Frontex b’ekwipagg civili, irrapporta tliet kadavri ohrajn. It-Tlieta stess ghal habta tan-12.30 p.m. rega’ ttajjar l-Islander fejn fil-post indikat intlemhu madwar ghaxar kadavri kif ukoll diversi life jackets u oggetti ohrajn f’wicc il-bahar.

It-tfittxija mill-Islander saret fuq mhedda mdaqqsa u sfortunatament ma nstab hadd haj la fil-bahar u lanqas fuq xi dghajsa jew iggranfati ma’ parti mid-dghajsa li kienu fuqha.

Aktar tard marret fuq il-post indikat il-Patrol Boat P-52 tal-Forzi Armati biex tkompli bit-tfittxijiet izda jidher li ma nstab xejn, lanqas il-kadavri li ntlemhu qabel. Sorsi qrib il-FAM qaluli li mhux bilfors li l-kaavri li ntlemhu kienu fuq id-dghajsa b’35 klandestin u li dawn setghu kienu grupp iehor.

Izda peress li l-Erbgha filghodu, wara li l-gurnal l-orizzont irrapporta b’mod esklussiv din l-ahbar, l-istampa internazzjonali write interess specjalment minn Sqallija. Ghaldaqstant mhux eskluz li d-dghajsa bil-35 klandestin fuqha baqghet ma dahlet imkien.

Zewg zghazagh ikorru b’murtal f’Haz-Zebbug

Zewg zghazagh minn Haz-Zebbug sofrew hruq f’partijiet ta’ gisimhom meta murtal sploda qrib taghhom f’ghalqa vicin Haz-Zebbug stess. Il-kaz sehh fil-lejl ta’ bejn nhar il-Gimgha u s-Sibt.

Sorsi li tkellmu ma’ l-orizzont u dan is-sit elettroniku qalulna li z-zewg Zebbugini, wiehed ta’ 18-il sena u l-iehor ta’ 24 sena, ghal habta tas-1.00 a.m., kienu fl-inhawi maghrufin bhala “Taz-Zejza”, li jinsabu qrib l-Iskola ta’ St. Dorothy, meta sabu murtal u tawh in-nar.

X’aktarx li l-murtal kellu nicca qasira b’konsegwenza li meta dan sploda z-zewg zghazagh kienu qrib tieghu.

Il-hoss tal-murtal instema’ minn diversi persuni li ghamlu rapport lill-Pulizija li kienet instemghet spluzjoni fl-inhawi Tal-Grazzja, izda meta l-Pulizija marru fuq il-post ma sabu xejn.

Sadanittant b’xokk fuqhom u feruti, iz-zewg vittmi hargu fit-triq biex ifittxu l-ghajnuna. Kif kienu mexjin lejn Hal Muxi, inzerta kien ghaddej sewwieq li waqaf jaghtihom l-ghajnuna u anke cempel ghall-ambulanza. Fuq il-post marru zewg ambulanzi bl-infermieri li hekk kif waslu bdew jaghtu l-ewwel ghajnuna medika liz-zewg zghazagh.

Kif twasslu fid-Dipartiment tal-Emergenza, instab li z-zaghzugh ta’ 18-il sena kien qieghed isofri minn diversi hruq fosthom f’riglejh filwaqt li siehbu wkoll kien qieghed isofri minn xi hruq izda hadd minnhom ma kien fil-periklu tal-mewt.

Fuq il-post marru l-Pulizija mill-Ghassa ta’ Haz-Zebbug kif ukoll membri mill-Explosive Ordinance Disposal Unit tal-FAM li ghamlu tfittixija fl-inhawi ghal xi splussiv iehor. Fil-fatt fil-post instabu madwar ghaxar beraq tal-murtali ohrajn li gew elevati.

L-istharrig tal-Pulizija qieghed jitmexxa mill-Ispettur Anthony Cachia flimkien mas-Surgent Joe Borg.

Il-Frontex falliet

– Illka Laitinen, Kap tal-agenzija tal-UE

FFFF? Xi jfissru dawn l-erba’ ittri? Facli……..Frontex, Fjask, Farsa, Falliment

Kienu diversi r-rapporti li ppubblikajt fuq dan is-sit kif ukoll fil-gurnali l-orizzont u it-torca dwar l-agenzija tal-UE Frontex li falliet fl-operazzjonijiet taghha “Natilius” 1, 2 u 3. Issa din il-konferma giet mill-Kap tal-Frontex stess Illka Laitinen.

Fil-gazzetta The Sunday Times il-gurnalist Ivan Camilleri rrapporta minn Brussels x’qal Laitinen meta kien qieghed jitkellem fi Brussels dwar is-sitwazzjoni fil-Mediterran, li huwa ddeskriva bhala “allarmanti”. Din l-ahbar inghatat ukoll fuq is-sit elettroniku Europeanvoice.com.

Dan jikkontrasta bil-kbir ma’ dak li qal dan l-ahhar il-Prim Ministru Malti Lawrence Gonzi li l-agenzija Frontex qieghda taghmel xoghol siewi.

Skont Laitinen din is-sena dahlu numru rekord ta’ klandestini f’Malta u f’Lampedusa ghax “zdiedu r-rondi barra l-gzejjer ta’ Malta u Lampedusa”. Izda din l-istqarrija tal-kap tal-agenzija Frontex mhux biss hija kontradittorja fiha nnifisha, imma hija totalment il-kuntrarju ta’ dak li stqarr il-Kap Kmandant tal-FAM il-Brigadier Carm Vassallo f’intervista li ta lill-PBS, il-gimgha li ghaddiet.

Il-Brigadier Vassallo qal li din is-sena r-rondi fl-ibhra Maltin, kemm minn fuq il-bahar kif ukoll mill-ajru, saru kwazi mill-Maltin biss u kien dan l-ahhar li l-Frontex baghtet helikopter Puma li gie pprovdut mill-Gvern Germaniz. Fit-23 ta’ Gunju, 2007, kont digà kkritikajt l-ghajnuna tal-Frontex meta kienet qieghda tmexxi l-operazzjoni “Nautilus 2”. Taht it-titlu “Is-sorveljanza tal-Mediterran imweghda mill-UE ma tibdiex – Appogg bazwi”, konna ghidt li l-Frontex ma kinitx qieghda taghti l-ghajnuna li fil-fatt weghdet lill-Gvern Malti. Ftit iktar minn sena wara, fit-2 ta’ Lulju, 2008, ergajt gbidt l-attenzjoni tan-nuqqas ta’ appogg mill-Frontex fil-konfront ta’ Malta.
Dakinhar staqsejt lill-Ufficcju tal-Prim Ministru kemm hemm pajjizi u bicciet tal-bahar u tal-ajru li qeghdin jiehdu sehem fl-operazzjoni “Nautilus III” tal-Frontex u liema huma l-pajjizi.

L-Ufficcju tal-Prim Ministru kien ghazel li ma jwigibx il-mistoqsijiet u ghaddihom lill-FAM. Ir-risposta li konna hadna minghand il-FAM kienet wahda generali u li bl-ebda mod ma tirrifletti l-operazzjoni “Nautilus III” b’konnessjoni ma’ Malta.

Fil-fatt il-FAM qalu li fl-operazzjoni “Nautilus III” tal-Frontex qeghdin jiehdu sehem Malta, l-Italja, Franza, ir-Rumanija, l-Ingilterra, il-Grecja u l-Lussemburgu. Dawn qeghdin jiehdu sehem permezz ta’ ekwipaggi jew inkella billi jipprovdu patrol boats jew helikopters.

Izda minkejja li pajjizna kien imwieghed din l-ghajnuna minn dawn il-pajjizi, kif stqarr l-istess Brigadier Vassallo mal-PBS, din l-ghajnuna qatt ma waslet.

Sadanittant meta Illka Laitinen kien qieghed jitkellem fi Brussels, zvela li huma t-traffikanti, x’aktarx Libjani, li jgieghlu lill-klandestini jgharrqu d-dghajjes taghhom meta jkunu qrib Malta jew Lampedusa biex jigu salvati u jiddahhlu fl-eqreb art.

Mindu l-agenzija Frontex bdiet tissorvelja l-ibhra Maltin biex ma jidhlux aktar klandestini, f’dawn l-ahhar tliet snin dahlu f’Malta 5,875 klandestin, b’2,393 din is-sena biss.

Skont il-gurnal The Sunday Times l-unika haga pozittiva dwar dan il-fenomenu huwa li l-FAM qeghdin idahhlu xi haga lura. Fil-fatt din is-sena l-FAM mistennijin idahhlu €1.1 miljun mill-UE li huma 80% tal-ispejjez li l-Armata Maltija harget biex ghamlet ir-rondi.

Il-helikopter gdid tal-FAM “tar mar-rih”

Il-Kap Kmandant tal-Forzi Armati, il-Brigadier Carm Vassallo, ikkonferma ahbar li giet zvelata fil-gurnal it-torca u fuq dan is-sit elettroniku nhar il-Hadd, 31 ta’ Awwissu dwar helikopter gdid fjamant tat-tip UH-72A li kellu jinxtara mill-istess FAM bl-ghajnuna tal-Gvern Amerikan.

F’artiklu intitolat “Helikopter li tar mar-rih”, kont ghidt li dan il-helikopter ma kienx se jasal minkejja li gie ffirmat kuntratt bejn il-Gvern Malti u l-Gvern Amerikan.

Fit-30 ta’ Novembru, 2006 fil-Kwartieri Generali tal-FAM kien sar ftehim bejn il-Gvern Malti u l-Gvern Amerikan ghal xiri ta’ helikopter li kien se jkun specifikament ghall-FAM fil-hidma ta’ tfittix u salvtagg. Il-ftehim kien ghal helikopter UH-72A u kien iffirmat quddiem il-Kap Kmandant tal-FAM, il-Brigadier Carm Vassallo u l-Ambaxxatrici Amerikana Molly Bordanaro.

Il-prezz ghal dan il-helikopter kellu jkun ta’ $6 miljun b’nofs il-prezz ikun imhallas mill-Amerikani. Dakinhar kien intqal li l-helikopter kellu jasal Malta matul is-sena 2007 imma mhux biss ghaddiet is-sena 2007, izda anke disa’ xhur mis-sena 2008 u l-helikopter baqa’ ma wasalx.

Fl-14 ta’ Lulju, 2007 f’artiklu taht it-titlu “Spiza zejda mhix mistennija” kont kxift li meta sar il-kuntratt tal-helikopter UH-72A, dan kien ghal wiehed baziku minghajr l-attrezzamenti mehtiega biex iwettaq l-operazzjonijiet ghal tfittix u salvatagg. B’hekk il-FAM kien se jkollhom johorgu madwar $8 miljun minflok $3 miljun.

Minhabba li l-Gvern Amerikan kien marbut li johrog $3 miljun, kif miftiehem fil-kuntratt tat-30 ta’ Novembru, 2006, il-$5 miljun l-ohrajn riedu jinhargu mill-Gvern Malti.

Meta xi jiem ilu l-Brigadier Vassallo kien intervistat mill-gurnalist Mario Micallef tal-PBS, ikkonferma li fil-fatt il-helikopter mhux gej. Huwa qal imma li l-FAM se tkun qieghda tinvesti f’ajruplan iehor u anke patrol boats peress l-Iskwadra Marittima ghadha taghmel uzu minn lanec qodma.

Sadanittant il-Brigadier Vassallo kkonferma wkoll storja ohra li ppubblikajt fil-11 ta’ Awwissu, 2008 dwar weghda li kien ghamel il-Prim Ministru Lawrence Gonzi nhar il-Gimgha, 7 ta’ Dicembru, 2007 meta fil-pajjiz kienet bdiet il-kampanja elettorali ghall-Elezzjoni tat-8 ta’ Marzu.

Dakinhar il-Prim Ministru Lawrence Gonzi kien nieda progett ghal Sant’Iermu u Marsamxett fil-Belt, li kien jinkorpora fih is-sit fejn illum hemm il-Bazi Marittima tal-FAM f’Xatt it-Tiben.

Il-Prim Ministru Lawrence Gonzi u l-Ministru Austin Gatt fis-7 ta’ Dicembru niedu l-progett, li Dr Gonzi fissru bhala kontinwazzjoni mal-progett tal-Port il-Kbir.

Fuq mistoqsija ta’ dan is-sit, il-Ministru Austin Gatt ikkonferma li l-Iskwadra Marittima se tmur fil-Port ta’ Marsaxlokk, ghalkemm semma wkoll il-possibbiltà li tista’ tkun fil-Port il-Kbir.

Fl-intervista mal-PBS, il-Brigadier Vassallo qal li nghata garanzija mill-Gvern Malti li l-Bazi Marittima tal-FAM se tibqa’ f’Xatt it-Tiben u mhux se ticcaqlaq minn fejn hi.

Isselfu €8,000 biex jehilsu gwardjani mill-arrest preventiv

L-Assocjazzjoni Maltija tal-Ufficjali tal-Habs issellfet €8,000 minn bank biex hallset id-depozitu ghall-helsien mill-arrest preventiv tal-erba’ ufficjali mixlijin li sawtu prigunier Olandiz wara li pprova jahrab mill-kustodja taghhom. Gwardjani ohrajn urew it-thassib taghhom ghal dan id-dejn minhabba l-fatt li huma jikkontribwixxu regolarment mill-paga ghal fond komuni.

Il-gwardjani Francis Debono ta’ 41 sena minn Hal Safi, Francis Meli ta’ 38 sena minn Birzebbuga, Daniel Cuschieri ta’ 27 sena minn Rahal Gdid u George Falzon ta’ 27 sena ukoll minn Hal Qormi jinsabu mixlijin li sawtu lil Perry Ingumar Toornstra. Fil-25 ta’ Awwissu huma nghataw il-libertà provizorja fuq garanzija personali ta’ €2,000 u depozitu ta’ €2,000 kull wiehed.

Jirrizulta li biex dan sehh, membri tal-Assocjazzjoni tal-Ufficjali tal-Habs marru fil-fergha tal-HSBC fil-Fgura u ssellfu €8,000 halli jhallsu lill-Qorti l-flus dovuti.

Gwardjani, membri fl-istess assocjazzjoni, qaluli li hemm hafna mistoqsijiet li l-kumitat tal-assocjazzjoni jrid jirrispondi.

“Minbarra li haga bhal din ma tistax issir, nixtiequ nkunu nafu min awtorizzahom biex jiehdu dan is-self u jekk fil-fatt il-membri tal-kumitat kollu humiex informati. Lill-Ministru informawh?! Ghaliex kellhom jissellfu… ixxottaw mill-flus li nhallsu kull xahar. M’ghandna xejn kontra shabna jew li nhelsu mill-arrest. Li rridu nkunu nafu hu x’sar mill-fondi taghna, ladarba kellhom imorru jissellfu l-flus”, sahqu s-sorsi.

B’kollox hemm madwar 240 membru fl-assocjazzjoni u kollha jhallsu mizata skont ir-‘rank’.

Droga u vireg tal-hadid ghand zewg prigunieri

Il-problemi fil-Habs ta’ Kordin komplew jizdiedu bis-sejba ta’ ammont sostanzjali ta’ droga eroina, vireg tal-hadid u glieda bejn zewg prigunieri li spiccat bl-uzu ta’ ’pepper spray’.

F’rejd li ghamlu l-ufficjali tal-Habs f’cella f’Divizjoni 12, ghand prigunier li f’Gunju 2000 kien harab mill-habs flimkien ma’ zewg prigunieri ohrajn, allegatament instab ammont sostanzjali ta’ droga eroina.

Sorsi qrib il-Habs qalu lil l-orizzont u lil dan is-sit elettroniku li nstabet aktar minn 200 gramma eroina u ghalhekk x’aktarx li l-prigunier kien se jittraffika din id-droga u mhux ghall-uzu esklussiv tieghu.

F’rejd iehor li sar f’cella f’Divizjoni 2 l-istess ufficjali sabu vireg tal-hadid. Mhux maghruf minn fejn il-prigunier, li qieghed il-habs fuq attentat ta’ qtil li sehh f’Settembru 2004, gab il-hadid. L-istess sorsi qalulna li allegatament dawn il-vireg setghu jintuzaw f’kaz ta’ xi rvell jew inkwiet iehor fil-Habs. Dan il-prigunier gie trasferit fid-Divizjoni 12.

F’kaz iehor separat li sehh il-Hadd filghodu, zewg ufficjali tal-Habs uzaw il-‘pepper spray’ fuq zewg prigunieri li gew fl-idejn f’Divizjoni 11. Is-sorsi fil-Habs ta’ Kordin qalulna li mhux maghruf jekk l-ufficjali talbux l-awtorizzazzjoni minghand l-Agent Direttur tal-Habs, l-Ispettur Brian Zammit, biex fl-intervent taghhom ikunu jistghu juzaw dan it-tip ta’ gass. Mhux maghruf lanqas jekk iz-zewg prigunieri gewx ezaminati mit-tabib.

Sadanittant minhabba nuqqas ta’ ufficjali, fosthom gwardjani, sezzjoni li kienet inholqot ftit ilu biex tissepara prigunieri nisa minn ohrajn meqjusin aktar “aggressivi”, se tinghalaq. B’hekk dawk il-prigunieri nisa li anke bdew xi tip ta’ programm biex jirrijabilitaw ruhhom, issa se jispiccaw mal-ohrajn bil-konsegwenzi kollha li jgibu maghhom. B’hekk filwaqt li fit-Taqsima tan-Nisa parti se tkun vojta, il-parti l-ohra se tkun mimlija.

Problema ohra fil-Habs ta’ Kordin b’konnessjoni man-nuqqas ta’ ufficjali u pulizija, tfaccat ukoll fit-Taqsima tal-Klieb fejn kull ma fadal huwa persuna wahda biss, biex jaghti l-ikel u x-xorb lill-klieb.

Huwa mifhum li l-Awtoritajiet tal-Habs ghamlu diversi talbiet biex ikunu impjegati aktar nies imma din it-talba baqghet ma gietx milqugha. Is-sorsi qalulna li hemm gwardjani li minhabba li ma hemmx nies biex jitmexxa l-Habs, hemm uhud minnhom li ilhom gimghat ma jiehdu l-gurnata frank taghhom. Din is-sitwazzjoni qieghda tohloq tensjoni kbira fost l-istess ufficjali li hafna minnhom qeghdin jispiccaw ghajjenin hafna u mhux jikkoncentraw fuq xogholhom.

Anke whud mill-membri mill-Ispecial Response Team (SRT) ilmentaw li hemm minnhom li qeghdin ikunu ordnati jaghmlu xoghol ta’ manutenzjoni minflok dmirhom bhall-ohrajn.

Sacerdot mixli b’abbuz sesswali

Sacerdot ta’ 38 sena mill-Mosta nhar il-Hadd tressaq b’urgenza fil-Qorti t’Ghawdex mixli li nhar l-Erbgha, 17 ta’ Settembru abbuza sesswalment minn turista Svizzera fid-Dwejra.

Is-sacerdot gie akkuzat quddiem il-Magistrat Paul Coppini li fis-17 ta’ Settembru offenda l-pudur jew morali b’ghemil li sar f’post jew lok espost ghall-pubbliku u li fl-istess hin, data u cirkostanzi ta fastidju lil persuna ohra.

Huwa mifhum li s-sacerdot inghata l-libertà provizorja. Il-kaz ikompli fid-9 ta’ Ottubru. Il-proskuzzjoni tmexxiet mill-Ispettur Frank Tabone.

Fatt stramb li hafna anke kritikawh huwa li l-Qorti mhux biss ordnat divjet fuq isem is-sacerdot, li mhux parantela ma’ l-allegat vittma, imma wkoll ma riditx li l-pubbliku isir jaf li l-akkuzat huwa sacerdot.

Dan jikkuntrasta bil-kbir ma’ kaz simili ta’ abbuz sesswali li sehh jumejn wara u erba’ akkuzati dehru quddiem l-istess Qorti t’Ghawdex imma ma kien hemm ebda divjet fuq l-ismijiet.

Imut mahruq fil-karozza wara habta

Michael Grech ta’ 27 sena minn Marsaxlokk miet meta habat bil-karozza tieghu ma’ sigra. Mal-habta l-karozza hadet in-nar. Galea huwa t-12-il vittma din is-sena li miet kawza ta’ accident tat-traffiku.

L-accident fatali sehh nhar is-Sibt ftit qabel is-2.00 a.m. fi Triq is-Sebh jew kif inhi maghrufa ahjar bhala l-Bypass tal-Imriehel. Dak il-hin Grech kien ghadu kif niżel mir-rampa u kif qabad il-bypass tilef il-kontroll tal-karozza tieghu, Proton Saga, tela’ fuq is-centre strip u habat b’impatt qawwi ma’ sigra.

Mad-daqqa l-karozza saret vampa nar u Grech ma kellu ebda cans li johrog mill-karozza. Minkejja li l-ghajnuna mit-tim ta’ salvatagg mid-Dipartiment tal-Protezzjoni Civili, it-tim mediku ta’ l-ERT immexxi minn Dr Michael Spiteri u l-Pulizija waslu fi ftit hin tant li l-karozza kienet ghadha vampa nar, ma setghu jaghmlu xejn biex isalvaw lil Grech.

Il-Pulizija mill-Ghassa ta’ Hal Qormi, immexxijin mill-Ispettur Anthony Cachia flimkien mas-Surgenti Gabriel Micallef u Charles Zammit, kienu fuq il-post fejn bdew jistharrgu l-każ. Pulizija mill-Iskwadra tal-Mobile ukoll assistew lill-kollegi taghhom tad-Distrett.

Sadanittant sakemm il-Pulizija kienu ghadhom fuq il-post, waslet informazzjoni li xi hadd kien cempel lill-Gwardjani Lokali fejn informahom li allegatament kien intlaqat minn karozza u li ftit wara hadet in-nar u talab biex tinbaghat l-ghajnuna. Iżda meta l-Pulizija marru fuq il-post kull ma sabu kienet il-karozza ta’ Grech qieghda tiehu n-nar. Matul il-gurnata tas-Sibt il-Pulizija flimkien mal-esperti tal-Qorti irnexxielhom isibu l-persuna li ghamlet it-telefonata li rrizulta li huwa sewwieq ta’ karozza Pajero izda jidher li r-ragel cahad li qatt ghamel din it-telefonata.

Persuni qribil-vittma qaluli li Michael Grech, li ghandu r-restorant “Bukkett” f’Marsaxlokk, generalmentwara li jkun ghalaq il-lokal imur jiltaqa’ ma’ xi hbieb in-naha ta’ fuq ta’ Malta.

Kien ghal habta tal-4.00 a.m. li l-kadavru ta’ Michael Grech tnehha mill-karozza u ttiehed fil-kamra mortwarja tal-Isptar Mater Dei filwaqt li l-karozza Proton ittiehded mill-Pulizija ghal aktar stharrig. Dwar dan l-accident faali l-Magistrat tal-Ghassa, Dr Jacqueline Padovani, ordnat inkjesta u hatret lill-Perit Richard Aquilina, it-Tekniku Joseph Zammit u l-espert tat-traffiku Mario Buttigieg flimkien mal-Pulizija tal-fotografija.

Dan l-accident gab memorji koroh minhabba żewg accidenti fatali ohrajn. Eżatt fl-istess post fejn miet Grech kien sehh accident iehor fatali. Fil-21 ta’ Awwissu 2005 kienu mietu Emma Marie ta’ 17-il sena u Graziella Fenech ta’ 13-il sena it-tnejn minn Hal Qormi meta ntlaqtu minn karozza Ford Focus kif kienu qieghdin jaqsmu t-triq.

Fit-18 ta’ Gunju 2002 fi Triq Valletta, jew kif tissejjah it-triq tar-Rabat, qrib il-Kappella tal-kaccaturi kienet sehhet habta bejn Alfa Romeo u Minibus. Mad-daqqa l-Alfa Romeo kienet ukoll hadet in-nar fejn kienu nqabdu fil-karozza Herbert Vella ta’ 22 sena minn San Pawl il-Bahar u Patrick Cauchi ta’ 20 sena mill-Mellieha. Vella u Cauchi kienu mietu mahruqin minkejja t-tentattiv ta’ Pulizija tal-Mobile li nzertaw kienu ghaddejjin minn fuq il-post. Iżda l-att ta’ kuragg li wettqu l-Pulizija dakinhar ma kienx ghalxejn ghax passiggier li kien riekeb fuq wara kienu harguh b’sogru wkoll ghal hajjithom.