Kronaka f’Malta

HELIKOPTER LI “TAR MAR-RIH”

Fit-30 ta’ Novembru 2006 fil-Kwartieri Generali tal-Forzi Armati kien sar ftehim bejn il-Gvern Malti u l-Gvern Amerikan ghal xiri ta’ helikopter li kien se jkun specifikament ghall-FAM fil-hidma ta’ Tfittix u Salvtagg. Izda kollox qieghed jindika li dan il-helikopter “tar mar-rih” u mhux se jasal.

Il-ftehim li kien iffirmat kien ghal helikopter UH-72A li qabel kien maghruf bhala UH-145 u li huwa l-verzjoni Amerikana ghall-helikopter Ewropew EC145. Il-ftehim li kien iffirmat quddiem il-Kap Kmandant tal-FAM, il-Brigadier Carm Vassallo, u l-Ambaxxatrici Amerikana Molly Bordanaro, kien ta’ $6 miljun ghal dan il-helikopter b’nofs il-prezz ikun imhallas mill-Amerikani. Dakinhar tal-ftehim kien inghad ukoll li l-helikopter kellu jasal Malta matul is-sena 2007. Imma mhux biss ghaddiet is-sena 2007 izda anke tmin xhur mis-sena 2008 u l-helikopter ma wasalx.

Nhar is-Sibt, 14 ta’ Lulju 2007, fil-gurnal l-orizzont ippubblikajt storja bit-titlu “Spiza zejda mhix mistennija” b’konnessjoni ma’ dan il-helikopter. Dakinhar konna ghidna li dan il-prezz kien biss ghal helikopter baziku u ma kienx jinkludi l-apparat neccessarju ghat-tfittix u salvatagg.

Konna zvelajna wkoll li biex dan il-helikopter ikunu jista’ jintuza ghall-iskopijiet li ghalihom inxtara kien se jigi jiswa’ $11miljun. Minhabba li l-Gvern Amerikan kien marbut li johrog $3 miljun, kif miftiehn fil-kuntratt tat-30 ta’ Novembru 2006, il-$5 miljun l-oħrajn riedu jinhargu mill-Gvern Malti.

Ftit tal-jiem wara l-FAM kienu rrispondew ghal dan l-artiklu fejn qalu li “l-ghotja ta’ $3 miljun mill-Gvern ta’ l-Istati Uniti ghenet mhux ftit biex tittiehed id-decizjoni li jinxtara ghall-ewwel darba helikopter modern, b’zewg makni, u li tant kien ilu mixtieq mill-Forzi Armati.

“Konna nafu mill-bidu li b’$6 miljun kellna bizzejjed fondi biex nixtru l-helikopter li xtaqna u li hu adattat ghax-xogħol varjat tal-FAM. Nassigurak li l-FAM qeghdin jaghmlu minn kollox biex izommu l-prezz baxx kemm jista’ ikun u, fl-istess hin, ikollhom helikopter attrezzat kif suppost li bih ikunu jistghu jaqdu d-dmirijiet taghhom b’iktar sikurezza u professjonalità”, kienu qalu l-FAM.

Izda meta fil-gimghat li ghaddew komplejna ninvestigaw irrizultawna affarijijiet interessanti.

Sibna li l-bidu ghax-xiri tal-helikopter UH-72A imur lura meta l-Ambaxxatur Amerikan Anthony Gioia, li kien qabel Molly Bordanaro, kien wieghed tliet helikopters lill-FAM ghalkemm mhux maghruf jekk din il-weghda kinitx b’mod ufficjali. Meta giet Malta l-Ambaxxatrici Bordanaro sabet ma’ wicca’ din il-weghda u kien hawn li bdew id-diskussjonijiet biex il-Gvern Amerikan jipprova jzomm kelmtu izda waslu biss ghal ghotja $3 miljun biex jinxtara dan il-helikopter. Izda minkejja li l-ftehim sar bejn iz-zewg gvernijiet, fin-nofs kien hemm persuna ohra barranija.

Wara li gie ffirmat il-ftehim bdew isiru l-istudji ta’ x’hemm bzonn ghal dan il-helikopter peress li l-prezz ta’ $6 miljun kien biss ghall-helikopter baziku. U kien hawn li l-ispiza bdiet tiela’. Meta l-Gvern Malti li ma kellux flus biex ihallas, allegatament il-progett inaghata f’idejn il-Maggur Andrew Mallia li minn naha tieghu beda jipprova jnaqqas izda xorta l-prezz baqa’ gholi.

Jirrizulta wkoll li minn dawn is-$6 miljun, $1.5 miljun kienu se jkunu spejjez amministrattivi. Jigi jew ma jigix dan il-helikopter, jidher li l-persuna intermedjatra f’dan il-ftehim, dejjem se tiehu l-commission.

Sorsi qrib il-FAM qalulna li l-Gvern Taljan kien sahanisitra hareg bi proposta li l-Gvern Malti jixtri zewg helikopters simili bhat-tnejn li ghandha hawn Malta l-Missjoni Militari Taljana f’Malta bi prezz ferm irhas ghalkemm mhux godda fjamant bhal ma kien se jkun il-UH-72A. Barra li l-piloti Maltin huma digà mhargin fuq il-helikopter bhal ma ghandhom it-Taljani, anke l-ispare parts kienu jkunu aktar facli.

L-istess sorsi qalulna wkoll li b’helikopter wiehed UH-72A, meta dan jieqaf ghall-manutenzjoni, it-Taqsima ta’ l-Ajru tal-FAM kienet se tispicca minghajr helikopter.

Sadanittant kollox qieghed jindika li dan il-helikopetr gdid fjamant mhux se jasal u bil-flus li l-Gvern Malti kien se johrog, x’aktarx li se tinxtara lanca ghat-Taqsima Marittima tal-FAM. Fil-fatt meta l-Prim Ministru Lawrence Gonzi ghamel zjara ufficjali f’din it-Taqsima fis-6 ta’ Awwissu li ghadda kien semma li l-Gvern se jinvesti f’lanec godda.

Dakinhar ta’ din iz-zjara ufficjali ttiehed ritratt quddiem il-Patrol Boat P61 li ftit tal-jiem qabel konna kkritikajna li din ilha wieqfa x-xhur. Minkejja r-ritratt ufficjali quddiem il-P61, sal-lum din l-ikbar patrol boat ghadha wieqfa.

Sorsi qrib it-Taqsima Marittima qalulna wkoll li d-dghajjes kollha li l-FAM gabret tal-klandestini, ittiehdu Hal Safi qabel mar il-Prim Ministru biex il-post ma jidhirx zdingat. Izda minn dakinhar sal-lum regghu dahlu aktar dghajjes izda dawn thallew hemm u barra d-dehra kerha hemm riha tinten ukoll li qed tkun ta’ inkonvenjent ghas-suldati kollha.

Pjan li falla fl-ahhar?

Bagalja li baqghet qatt ma ngabret mill-Ajruport Internazzjonali ta’ Malta (MIA) u li kien fiha tmien kilo droga eroina, setghet kienet parti minn pjan li izda falla.

Il-bagalja waslet Malta nhar il-Gimgha, 4 ta’ Lulju fuq titjiera tal-linja nazzjonali Air Malta minn Amsterdam, fl-Olanda. Izda wara li din baqghet iddur fuq il-karossel fis-sala tal-wasliet tal-MIA u ma kienx ghad fadal aktar passiggieri minn dik it-titjiera, l-impjegati tal-MIA poggew il-bagalja fl-istrong room ta’ l-Air Malta fejn jitpoggew bagalji li ma jingabrux.

Wara li ghadda l-perjodu ta’ zmien li fiha hadd ma jkun mar gabar il-bagalja, din tinghata f’idejn l-ufficjali tad-Dwana biex ttittiehed taht il-kustodja taghhom. Izda minflok ma’ qabdu u hadu l-bagalja, l-ufficjali li kienu xoghol x’aktarx li ghaddew il-bagalja mill-X-Ray fejn innuttaw xi haga suspettuza. Meta fethu l-bagalja, li ma kellha ebda identifikazzjoni fuqha, sabu 13-il pakkett imgezwrin fi drapp ohxon u li kienu mmilijin bid-droga eroina li mill-ewwel ezamijiet deheret li ghandha purità gholja.

B’din is-sejba gew informati l-Pulizija mill-Iswadra ta’ Kontra d-Droga li elevaw il-pakketti kif ukoll il-bagalja ghal aktar stharrig forensiku.

Sadanittant sorsi qrib il-Pulizija qalu lit-torca l-bagalja zgur li ma telqitx minn Amsterdam wehidha u li fuq l-istess titjiera kien hemm min kien qieghed igorra. Izda l-fatturi setghu kienu diversi ghaliex ma ngabritx. Fost dawn, qalulna s-sorsi, seta’ li kif l-individwu nizel fis-sala tal-wasliet innota l-ufficjali tad-Dwana jew lill-Pulizija pajzana. Allura mhux eskluz li l-individwu mhux biss huwa Malti izda midhla sew ta’ l-ajruport u li jaf min huma l-Pulizija pajzana. Jista’ jkun l-pjan kien mahsub minn qabel biex il-bagalja ma tingabarx bl-intenzjoni li din tittiehed aktar tard wara li tkun tnehhiet mill-ajruport.

Is-sorsi qalulna li huwa inkwetanti l-fatt kif din il-bagalja hadd ma nduna mill-ewwel li kien fiha xi haga suspettuza. Mhux biss hija procedura normali izda meta jaslu bagalji minn pajjiz li mhux l-ewwel darba li nqabdu persuni jdahhlu d-droga, l-ispezzjonar ikun aktar strett.

Pulizija mhux xoghol qabad il-halliel

PC Charles Curmi, stazzjonat mat-Taqsima tal-Kavallarija tal-Korp tal-Pulizija u li ma kienx xoghol, qabad halliel li kien ghadu kif wettaq serqa fuq anzjana.

Il-kaz sehh nhar il-Hamis ghal habta ta’ l-10.30 a.m. fi Triq Sant’ Ubaldesca f’Rahal Gdid. Persuni li nzertaw fuq il-post qaluli li raw lill-Kuntisabbli Curmi jitlaq jigri wara zaghzugh wara li kien avvicinat minn anzjana. Dawn in-nies qalulna li l-halliel resaq lejn il-mara ta’ madwar 70 sena u hatfilha l-portmoni. L-ewwel persuna li l-anzjana rat kienet lil Curmi, li peress li ma kienx xoghol u ma kienx liebes l-uniformi, ma kinitx taf li huwa Pulizija izda xorta talbitu l-ghajnuna. Il-Pulizija telaq jigri wara l-allegat halliel u waqfu ftit wara u baqa’ jzommu sakemm waslu fuq il-post il-Pulizija mill-Ghassa ta’ Rahal Gdid.

Fil-portmoni l-anzjana kellha ammont ta’ flus kif ukoll dokumenti personali li nstabu kollha. Ghalkemm l-anzjana ma sofriet ebda griehi, dehret li kellha xokk fuqha.

Riskju li tohrog il-verità…..forsi cover up?

Id-decizjoni tal-Ministeru tal-Gustizzja u l-Intern li hatar lil Manwel Cassar, eks-Assistent Kummissarju u eks-Direttur tal-Habs ta’ Kordin, biex jinvestiga nuqqasijiet fil-Habs, qieghed titqies bhala stramba ghax Cassar se jkun qieghed jinvestiga nuqqassjiet li d-Direttur ta’ warajh wiret minghandu stess.

Sosri qrib il-Facilità Korrettiva ta’ Kordin qalu lil dan is-sit elettroniku li wiehed facilment jista’ jasal ghall-konkluzzjoni ta’ din id-decizjoni. Li kieku l-Ministru Carmelo Mifsud Bonnici hatar persuna li qatt ma kellha involviment la dirett u lanqas inidirett mal-Habs u t-tmexxija tieghu, seta’ jkun hemm ir-riskju li jitla’ hafna zejt f’wicc l-ilma.

“Ir-riskju kien kbir wisq. La darba hargu fil-pubbliku certu allegazzjonijiet u sa certu punt anke fatti, il-ministru ma kellux triq ohra hlief li jordna inkjesta. B’hekk biss turi li int serju. Izda fl-istess hin ma setax jiehu riskju u jsib li dak li qed ikun allegat u l-fatti l-hargu, jirrizultaw li kienu nuqqassijiet ta’ persuna ohra u mhux tas-Supretendent Sandro Gatt biss.

“Allura x’taghmel biex turi li int serju u responsabbli u fl-istess hin hafna mill-fatti jibqghu ma jkunux maghrufin?” staqsew is-sorsi taghna.

“Facli. Tqabbad min jinvestiga l-hazin persuna li l-hazin sar fi zmien li kien imexxu hu. B’hekk ma jirrizulta xejn u l-istorja tieqaf kif kif jispiccaw il-hrejjef kollha – ‘kulhadd jghix kuntent u ferhan’ ghal dejjem”, sahqu s-sorsi.

Wara rapporti fil-midja dwar nuqqassijiet fit-tmexxija fil-Habs ta’ Kordin, nhar it-Tlieta, 26 ta’ Awwissu s-Supretendent Sandro Gatt, li kien id-Direttur tal-Habs, talab biex jirritorna fi hdan il-Korp tal-Pulizija u ma jibqax imexxi l-habs. Din it-talba giet milqugha immedjatament u minfloku nhatar l-Ispettur Abraham Zammit bhala Agent Direttur. Thabbar ukoll li l-Ministeru ghall-Gustizzja u l-Intern kien hatar lil Manwel Cassar biex imexxi investigazzjoni dwar dawn l-allegazzonijiet flimkien ma’ Martin Scicluna u Mary-Anne Agius.

Fost l-irrregolaritajiet li Manwel Cassar intalab biex jinvestiga hemm dak ta’ kif Leli Camilleri, maghruf bhala ‘Il-Bully”, u Mohsen Bin Ibrahim, kellhom hafna arja fil-habs fosthom li filwaqt li Camilleri kien jitkellem f’isem il-prigunieri Ewropej, Mohsen kien jirrapprezenta lill-prigunieri Gharab kull darba li jkollhom bzonn xi haga. Din il-prattika kienet tigi tezisti meta Manwel Cassar kien Direttur tal-Habs.

Barra li fi zmienu Cassar kien isir dan, kien hemm hafna aktar nuqqassijiet serji. Fost dawn il-harba tat-traffikant tad-droga Hashim Yousaf Azzabi li sehhet fid-9 ta’ Awwissu 1999. Azzabi kien arrestat meta nqabad disa’ xhur qabl fl-Ajruport Internazzjonali ta’ Malta bi 17-il kilo raza tal-Cannabis. Dakinhar Azzabi kien ikkonvinca lill-Awtoritajiet tal-Habs li kellu bzonn il-kura medika ghax kien mugugh u Manwel Cassar kien approva biex dan jittiehed l-Isptar Boffa ghall-kura. Ftit tal-hin wara Azzabi nesa l-ugiegh kollu u harab fejn ghadu mahrub sal-lum.

l-cameras tas-sigurtà ma wrew xejn konkret

In-nifs qawwi li hadu l-Pulizija meta madwar ir-residenza tal-Professur Anthony Zammit, li fit-12 ta’ Awwissu safa aggredit u misruq, raw diversi cameras tas-sigurtà, sfuma fix-xejn minhabba li ma rrizulta xejn konkret mill-filmati.

Dakinhar li sehh l-attakk brutali fuq il-Membru Parlamentari Laburista, Anthony Zammit ta’ 58 sena minn Haz-Zebbug meta tliet hallelin dahlu fuqu meta kien rieqed, il-Pulizija elevaw diversi filmati minn cameras tas-sigurtà li hemm kemm ma’ banek lokali kif ukoll ma’ residenza privata li ghandha CCTV ezatt faccata tal-bieb tal-Professur.

Sakemm il-filmati kienu ghadhom ma gewx ezaminati sew, l-investigaturi kienu ottimisti li dan il-kaz jissolva fi ftit jiem. Izda meta l-filmati bdew jigu analizzati rrizulta li ftit li xejn huma ta’ ghajnuna.

Sorsi qrib l-investigaturi qalu lil dan is-sit elettroniku li kull ma setghu jaraw huwa skrin zghir u minhabba li kien ghadu d-dlam il-figuri li jidhru dehlin u hergin mid-dar ta’ Anthony Zammit huma zliega u ma jingharaf hadd.

Fil-fatt digà ghaddew aktar minn 18-il gurnata minn dan il-hold-up u l-Pulizija ghadha ma resqet lil hadd il-Qorti. L-istess sorsi qalulna li hemm suspetti fosthom iben ta’ xi hadd li jaf sew lill-Professur Zammit, izda f’dan l-istadju m’ghandhomx bizzejjed provi konkreti li jinhargu akkuzi.

L-istess sorsi stqarrew li l-intervista li ta l-Profs. Zammit lil gurnal lokali zgur li ma ghenitx flinvestigazzjonijiet l-aktar meta Anthony Zammit tefa’ suspett fuq persuni “tal-fiducja tieghu”. B’hekk, sahqu s-sorsi, jekk seta’ b’xi mod kien hemm xi evidenza, il-hallelin issa zgur li qerdu kull tracca.

Dwar il-filmati li gew elevati, is-sorsi qalulna li “ahjar ma jkollok xejn milli tahseb li ghandek xi haga u ma jirrizulta xejn”.

Isalvaw tmien klandestin minn grupp ta’ 79

Il-bahar Mediterran kompla jizdied b’aktar kadavri wara tragedja ohra tal-klandestini li gherqu fi triqthom lejn hajja ahjar fl-Ewropa. Kienu tmint irgiel minn grupp ta’ 79 klandestin li salvaw u ddahhlu Malta tard nhar l-Erbgha waranofsinhar.

It-tmin klandestini li salvaw allegaw li kienu telqu mil-Libja disat ijiem qabel fuq dingi li fuqu kienu ma’ 71 klandestin iehor foshtom tmin nisa, li erba’ huma tqal, u tifel ta’ madwar sentejn u nofs. Wara jumejn fuq il-bahar jidher li l-boxxla ma bdietx tahdem sew b’konsegwenza li x’aktarx bdew iduru fl-istess post. Aktar tard id-dingi beda jaghmel l-ilma u hafna minnhom spiccaw fil-bahar.

Huma ghamlu jiem iggranfati ma’ dak li kien fadal mid-dingi kif ukoll ma’ xulxin izda ftit ftit bdew bdew jgherqu. B’kollox gherqu t-tmin nisa, it-tifel u 62 ragel. It-tmienja li salvaw minn din it-tragedja umana qalu li huma mill-Ghana u fost dawk li gherqu kien hemm mis-Sudan u Eritreja.

Kienet l-iskuna tas-sajd Maltija “Madonna di Pompei” li salvat lit-tmint irgiel fejn instabu mad-dingi li kienu nofsu mgharraq meta kienu madwar 60 mil nawtiku minn Malta. Ghal habta ta’ nofsinhar waslet hdejn l-iskuna il-Patrol Boat P52 mill-Iskwadra Marittima tal-FAM fejn it-tmint irgiel gew traferiti minn fuq l-iskuna ghal fuq il-P52. Kif din resqet lejn il-kosta Maltija harget il-Patrol Baoat P32 li hadet lill-klandestini u dahlithom fil-bazi Marittima tal-FAM f’Xatt it-Tiben ghal habta tal-4.30 p.m.

S’issa din is-sena dahlu Malta 2,178 klandestin b’503 fix-xahar ta’ Awwissu.

Eks-Direttur se jmexxi investigazzjoni

Wara li dan l-ahhar saru allegazzjonijiet dwar nuqqasijiet li sehhew fil-Habs ta’ Kordin, il-Gvern accetta t-talba tad-Direttur tal-Habs li ma jibqax imexxi l-Facilità u fl-istess hin hatar lill-eks-Direttur tal-Habs, Manwel Cassar, biex imexxi investigazzjoni dwar dawn l-allegazzjonijiet.

Kienu diversi sorsi kemm qrib il-Habs ta’ Kordin kif ukoll fil-Korp tal-Pulizija li hassewhom sorprizi dwar l-ghazla ta’ Manwel Cassar li meta kien hu bhala Agent Direttur u aktar tard Direttur tal-Habs, sehhew numru kbir ta’ nuqqasijiet fosthom rekord ta’ harbiet minn kriminali perikoluzi.

Fit-23 ta’ Mejju 1995 meta Cassar kien Agent Direttur kienu harbu mill-habs Mohsen Ben Ibrahim li kien qatel erba’ persuni fi Frar 1988 u qieghed jiskonta tliet sentenzi ta’ ghomor il-habs, Azzawi Mehemmed, traffikant tad-drogi u Melchoir Spiteri. Fi Frar 1996 il-Gvern Nazzjonalista kien hatar lil Cassar bhala Direttur tal-Habs.

Fiz-zmien li Manwel Cassar kien id-Direttur tal-Habs kien harab it-traffikant tad-droga Libjan Azzabi u fid-29 ta’ Marzu 2000 ghal darb’ ohra kienu harbu mill-Habs ta’ Kordin Mohsen Ben Ibrahim, El Badden Ayman u Shnizali Ibrahim Rameden, it-tnejn kienu qieghdin jistennew jghaddu guri fuq il-qtil tal-istilista tax-xaghar Alfie Rizzo, flimkien mal-Malti Charles Mugliet. Lanqas lehqu ghaddew erba’ xhur li ma kienx hemm harba ohra. Fis-7 ta’ Gunju kienu harbu John Woods, Anthony Zammit u Mohammed Goma Bakush.

Sitt ijiem wara din il-harba Manwel Cassar kien tefa’ r-rizenja tieghu bhala Direttur tal-Habs, izda r-rizenja ma gietx accettata mill-Gvern Nazzjonalista minkejja li l-Ministru Tonio Borg kien ammetta li s-sistema tas-sigurtà fil-Habs regghet falliet. Fil-fatt biex tissahhah is-sigurtà l-Gvern kien pogga s-suldati ghassa madwar il-Habs. Dan kien meqjus bhala sinjal ta’ sfiducja fit-tmexxija tal-Habs.

Kien hemm diversi nuqqasijiet ohrajn fosthom strajkijiet tal-guh mill-prigunieri, rewwixta kif ukoll ir-rizenja tal-Bord tal-Vizitaturi.

Aktar ricenti l-eks-Direttur tal-Habs u eks-Assistent Kummissarju Manwel Cassar kien instab hati ta’ maltratamment fil-Habs fil-konfront ta’ Meinrad Calleja.

Sadanittant l-Ispettur Abraham Zammit inhatar bhala Agent Direttur tal-Facilità Korrettiva ta’ Kordin li ha post is-Supretendent Sandro Gatt li talab biex jerga’ jkun assenjat dmirijiet fil-Korp tal-Pulzija.

Stqarrija mahruga mid-Dipartiment tal-Informazzjoni tghid li t-talba tas-Supretendent Gatt giet milqugha u b’effett immedjat l-Ispettur Zammit, li prezentament huwa d-Deputat Direttur, se jibda jagixxi bhala Agent Direttur tal-Facilità Korrettiva ta’ Kordin.

L-istqarrija tkompli tghid li l-Ministeru ghall-Gustizzja u l-Intern fil-frattemp qabbad lis-Sur Emanuel Cassar biex imexxi bord indipendenti li se jinvestiga rapporti li dahlu mill-pubbliku fl-ahhar jiem dwar nuqqasijiet li allegatament sehhew fil-Facilità Korrettiva ta’ Kordin, ittemm tghid l-istqarrija tad-DOI.

Ufficjali fil-Habs ta’ Kordin qaluli li jinsabu ddispjacuti li s-Supretendent Sandro Gatt se jitlaq u ma jemmnux li l-ghazla kienet verament tieghu. L-istess sorsi allegaw li dan kollu beda mindu kien hemm trasferiment ta’ Surgent tant li minn xi jiem wara bdiet krucjata biex fil-Habs issir bidla minnufih.

Ipponta pistola fuq impjegata bhala cajta

Kaz stramb li baqa’ mistur sehh hamest ijiem ilu fi stabbiliment li jinsab f’Misrah il-Helsien fil-Belt. Ragel, x’aktarx barrani prova jwettaq hold-up izda qal li kienet biss cajta.

Persuni li nhar il-Gimgha, 22 ta’ Awwissu ghal habta tan-12.30 p.m. kienu hergin mill-Belt, innottaw movimenti mhux tas-soltu u ftit wara waslu numru ta’ Pulizija li dahlu fl-ufficini tal-Libyan Arab Airlines.

Sorsi qaluli li ragel li deher li huwa barrani dahal fl-ufficju tal-linja ta’ l-ajru Libjana u pponta arma tan-nar, x’aktarx pistola, lejn l-impjegata u qalilha li dan kien hold-up. It-tfajla, li ghandha 24 sena minn Ta’ Xbiex, ma felhitx titkellem bix-xokk qawwi li hadet meta rat il-pistola ppuntata lejha. Izda ftit wara l-halliel qabad jidhak u qalilha li kienet biss cajta u hareg il-barra jxejjer l-arma u deher jitlaq jigri lejn Bieb il-Belt.

Tfittxija intensiva ghal dan ir-ragel li saret mill-Pulizija rrizultat fin-negattiv. L-istharrig tal-Pulizija qed jitmexxa mill-Ispettur James Grech mill-Ghassa tal-Belt.

Omicidji “barranin” u hold-ups “bizzilla” li m’humiex solvuti

Il-Pulizija mid-Dipartiment ta’ l-Investigazzjonijiet Kriminali mhux biss ghad ghandha fuq l-ixkaffa diversi delitti antiki li ghadhom mhux solvuti, izda f’dawn l-ahhar erba’ snin komplew jizdiedu ferm aktar. Fost dawn hemm tliet delitti u diversi hold-ups kbar li bejniethom insterqu €1,665,966.
Ghalkemm il-Pulizija tibqa’ tinvestiga kull kaz, mhux dejjem tasal biex issolvihom kollha. Forsi delitt li huwa fost l-aktar difficli huwa dak li sehh nhar il-Hamis, 24 ta’ April 2008 f’Birkirkara. Ghalkemm il-Pulizija fl-ebda hin ma semmiet li dan kien qtil professjonali, sorsi qrib il-Pulizija qaluli li kollox jindika li l-qattiela kienu barranin mibghutin hawn Malta, wettqu d-delitt u telqu dakinhar stess.

F’dan id-delitt kiesah u biered inqatel Raymond Agius ta’ 50 sena minn Haz-Zebbug, li kien joqghod Bahar ic-Caghaq. Huwa nqatel b’tiri f’rasu minn ragel, li flimkien ma’ iehor, dahlu fil-‘Butterfly Snack Bar’ li kien mimli nies u sparawlu.

Il-qattiela dahlu fl-istabbiliment, li jinsab fil-venda tal-karozzi tal-linja ta’ Birkirkara, ghal habta tad-9.15 a.m. Huma marru fuq il-post b’mutur ta’ l-ghamla Typhoo. Huma baqghu dehlin u marru direttament fuq Agius. Malli waslu hdejh, wiehed minnho hareg pistola, ippontaha lejn ras Agius u sparalu tir.

L-istess sorsi qalu li min ordna l-qtil ta’ Agius ried mhux biss jeliminah izda ried ukoll jaghti lezzjoni. Kieku riedu li Agius jinqatel ’il boghod minn nies, dan seta facilment sar f’xi hin fit-tard qrib ir-residenza tieghu peress li hemm ma jkunx hemm nies. Imma d-delitt professjonali, stil Mafjuz, sar f’hanut quddiem hafna nies u fid-dawl tax-xemx.

Delitt iehor li sehh fit-13 ta’ April 2005 huwa dak ta’ Simon Grech ta’ 20 sena mis-Siggiewi. Il-kadavru taz-zaghzugh instab ghal habta ta’ l-4.00 p.m. f’ghalqa mohbi minn haxix gholi u qalb fjuri sofor li hemm hdejn ir-rawdebawt tas-Salib tal-Marsa biswit il-fergha ta’ l-HSBC. Huwa kien ilu nieqes madwar gimgha.

Ic-cirkostanzi kif instab Grech indikaw li huwa nqatel x’aktarx nhar il-Hamis, 7 ta’ April. Il-kadavru kien wiccu ’l fuq b’id wahda fuq rasu u kien digà fi stat ta’ dikompozizzjoni. Il-fatt li id wahda nstabet fuq rasu jista’ jindika wkoll li xi hadd kien garru minn taht idejh u meta ntefa’ fl-ghalqa idu nizlet fuq rasu.

L-ewwel ezamijiet li saru fuq il-kadavru fuq il-post fejn instab kienu jindikaw li Grech kellu sinjali ta’ vjolenza fuqu x’aktarx maghmulin minn strument li jaqta’ u bil-ponta.

Fil-bidu tas-sena l-ohra, fit-8 ta’ Marzu, il-Pulizija kienu sabu kadavru iehor ma’ wicchom fil-bahar f’Tas-Sliema. Il-vittma kienet iddentifikata bhala Larissa Safranova ta’ 25 sena ta’ nazzjonlaità Russa residenti s-Swieqi.

Ghall-ewwel il-Pulizija hasbu li dan id-delitt jista’ jkun solvut izda s’issa ghadhom fejn kienu aktar minn sena ilu. It-Tfajla nstabet maqtula f’wicc l-ilma madwar 50 metru ’l barra minn dak li kien maghruf bhala x-Challet, f’Tas-Sliema. Hija kellha borza sewda taz-zibel marbuta m’ghonqha u b’habel imdawwar maghha. Hija kellha wkoll diversi daqqiet fuq rasha u f’partijiet ohrajn ta’ gisimha, maghmulin b’oggett iebes u anke kellha marki li juru li xi hadd ipprova jifgaha.

HOLD-UPS

Sadanittant il-Pulizija tad-DIK ghadhom ukoll jinvestigaw diversi hold-ups kbar li ghadhom mhux solvuti. Biex ikunu solvuti dawn il-hold-ups, li fl-ahhar erba’ snin kellna xejn inqas minn 268 kaz, il-Korp ghandu skwadra specjali li bi spettur wiehed u numru zghir ta’ nies mhux bizzejjed biex isolvu l-mewga ta’ hold-ups.

Minn dawn il-mijiet ta’ hold-ups l-iktar li s’issa ghadu fuq fomm kulhadd huwa dak li sar fil-fergha tal-HSBC ta’ Hal Balzan fit-30 ta’ Novembru 2007. Dakinhar insterqu €1,000,000 minn hallelin professjonali. Mill-2004 s’issa saru diversi hold-ups meqjusin kbar li bejniethom insterqu iktar minn €1,665,966.

Il-hold-up li fih insterqu €1 miljun sar bi pjan genjali. Sahansitra l-hallelin hallew balaklava fil-vann b’xi xaghar maghha. L-investigaturi kienu hasbu li permezz tax-xjenza moderna u l-analizi tad-DNA kienu se jaslu x’imkien. Izda meta saru l-ezamijiet barra minn Malta rrizulta li l-balaklava kienet gdida fjamanta u mid-DNA ma hareg ebda rizultat pozittiv.

Minkejja li l-HSBC offra rigal ta’ aktar minn €58,000 ghal min jaghti taghrif lill-Pulizija li jwassal biex il-hallellin ikunu arrestati u jittresqu l-Qorti, xorta dan il-kaz baqa’ ma giex solvut. Kien sitt hallelin, kollha armati u mghammdin, li dahlu fil-fergha u zammew numru ta’ mpjegati u klijenti ostaggi.

Il-pjan kien mahdum sa l-icken dettal. Il-hallielin kienu jafu li dakinhar l-attenzjoni kollha tal-Pulizija kienet se tkun fuq Hal Lija u anke kienu jafu li l-HSBC ma jkollhiex ufficjali tas-sigurtà ghassa mal-banek taghha peress li l-politika tal-bank kienet li l-ferghat huma ‘friendly use’ u l-prezenza tal-Pulizija jew suldat ma kinitx tilqak. Izda l-Amministrazzjoni tal-HSBC malajr bidlet il-fehma taghha tant li wara dan il-hold-up bdew ikunu ordnati zewg Pulizija ghassa ma’ kull fergha.

Ftit tal-mumenti biss qabel sar il-hold-up, il-Pulizija li kien xoghol fl-Ghassa ta’ Hal Balzan, li tinsab faccata tal-fergha ta’ l-HSBC, ghalaq l-Ghassa biex imur Hal Lija biex jaghlaq it-toroq minhabba l-funeral tal-vittma tal-kamra tan-nar ta’ Hal Lija li kellu jibda fis-2.00 p.m.

F’temp ta’ sekondi, il-hallelin imblokkaw it-triq li taghti ghall-bank b’vettura, dahlu fil-fergha, zammmew lil dawk prezenti ostaggi, dahlu fl-‘istrong room’ u wara harbu b’vann iehor li wkoll abbandunawh ftit ’il boghod.

Intant, nofs siegha biss qabel dan il-hold-up, il-Pulizija giet informata li halliel armat u b’wiccu mghotti b’maskra kien dahal f’‘pet shop’ fi Triq il-Fuxa, f’San Gwann li jinsab wara l-fergha ta’ l-HSBC ta’ San Gwann. Irrizulta li ma kien insteraq xejn u ghalhekk il-Pulizija jahsbu li dan kien sar biss biex jitfa’ l-attenzjoni tal-Pulizija fuq San Gwann sakemm isir il-hold-up f’Hal Balzan. Hold-ups ohrajn meqjusin bhala kbar sehhew fit-30 ta’ Awwissu 2004 fuq impjegat ta’ Scott’s Supermarket. Dan il-hold-up insterqu €25,390 u sehh fi Triq Fleur De Lys f’Santa Venera.

Il-kumpanija ‘Security Services’ ukoll sfat vittma ta’ hallelin. Fit-22 ta’ Ottubru 2004 aktar minn €232,937 insterqu waqt hold-up quddiem il-fergha tal-HSBC ta’ Birkirkara. Impjegati ohrajn li sfaw il-mira ta’ hallelin kienu dawk tal-kumpnaija Mambra. F’dan il-hold-up, li sehh fl-20 ta’ Dicembru wkoll fl-2004 insterqu €46,587.

Fit-8 ta’ Frar 2007 kellna hold-up fuq impjegati ta’ Diamonds International f’San Giljan.

Dakinhar insterqu madwar €232,937 f’gojjelli fosthom djamanti. Nhar il-Gimgha, 23 ta’ Frar 2007 tliet kriminali wettqu hold-up fuq impjegati ta’ Austrian Tabakk li tinsab fiz-Zona Industrijali ta’ San Gwann. Minn hawn il-hallelin serqu b’madwar €13,976.

Fl-10 ta’ April €20,964 insterqu minn fuq anzjan ta’ 76 sena minn Tas-Sliema. Huwa twaqqaf fi Triq Onorato Bres f’Ta’ Xbiex minn zewg hallelin armati. Inqas minn gimghatejn wara, fit-23 ta’ April, sid ta’ pompa tal-petrol fiz-Zurrieq kien fil-mira ta’ hallelin fit-23 ta’ April ta’ l-istess sena. Il-hallelin li wettqu dan il-hold-up serqu iktar minn €30,282.

L-2007 rat zewg hold-ups ohrajn, wiehed fl-Isplash and Fun u iehor fil-Mosta. Mill-Isplash and Fun tliet kriminali dahlu fuq sid il-post u impjegat. Wara li sprejjawlhom ‘pepper spray’ f’ghajnejhom, serqu €46,587. Hallelin ohrajn wettqu hold-up fuq impjegat ta’ World Bargains fil-Mosta. Qabel ma l-hallelin serqu €16,306, aggredew lill-vittma meta nghata daqqa ta’ arma.

Citazzjoni “sforzata”

Jekk tpejjep jew tmur tuza xi ATM, oqghod attent ghax x’aktarx li se jkun hemm Pulizija ghassa tieghek biex jekk tarmi xi loqma ta’ sigarett jew karta jkun lest iwahhlek citazzjoni!

Ghadd ta’ Pulizija, inkluzi ufficjali, li tkellmu mieghi lmentaw dwar “theddid pulit” li qeghdin ikollhom jiffaccjaw ta’ kuljum minhabba l-imsejha “Litter Act” (“Att dwar il-Hmieg”).

Dan l-ahhar l-ufficjali nghataw struzzjonijiet cari mill-amminstrazzjoni tal-Korp biex jghaddu ordni lill-Pulizija kollha f’kull taqsima, imma b’mod specjali dawk tad-distretti, biex jibdew johrogu aktar fit-toroq u kull min jaraw ipejjep joqoghdu attenti ghalih biex jaraw fejn se jarmi l-loqma tas-sigarett.

L-istruzzjonijiet li nghataw il-Pulizija huma li mhux iwissu, jew jedukaw, izda li tinhareg citazzjoni dak il-hin stess. Il-Pulizija qalulhom, verbalment, li jridu jgibu numru ta’ citazzjonijiet u jekk ma jaghmlux dan ikunu qeghdin jirriskjaw li jehlu ‘crime’. Meta kien hemm min staqsa kif se jirnexxielhom johorgu daqshekk citazzjonijiet, kien hemm min sahansitra ssuggerixxa li jekk imorru hdejn il-banek fejn hemm ATM, peress li dawn ghandhom landa zghira hafna fejn il-klijenti jarmu l-karti, xi hadd se jwaqqa’ karta fl-art.

Sorsi li tkellmu maghna qalulna li kellhom diffikultà x’se jaghmlu waqt il-festi li kien hawn dan l-ahhar. Ma kinux jafu jekk iharkux lil kull min jitfa’ karti waqt il-marc. Izda jidher li minhabba li l-festi huma parti mit-tradizzjoni Maltija, dawn jistghu jitfghu karti kemm iridu.

Dan jikkuntrasta bil-kbir mal-koncett ta’ “Community Policing” fejn il-Pulizija li jaghmlu r-ronda fil-kommunità iktar ikunu l-“hbieb” tan-nies millli gheddewa. Ufficjal stqarr li l-Pulizija se ngibuhom qishom klieb ixommu ghas-sigaretti biex ikunu hfief jaghtu citazzjoni.

Minkejja l-infurzar ta’ din il-ligi, s’issa l-Gvern ghadu ma provdix bizzejjed recipjenti ta’ l-iskart, b’mod specjali ghas-sigaretti fil-lokalitajiet kollha. Lanqas ghal waqt il-festi ma jigu ordnati jitpoggew recipjenti zejda fejn jistghu jintremew fliexken u bottijiet.